طابة بلياردو.......................

يا جماعة.............. كان ياما كان بقديم الزمان وسالف العصر والأوان لحتى كان...........
لا تناموا...... القصة كتير مشوقة وإذا قرأتوها ما بتندموا

كان في واحد متجوز والله ما طعمه أولاد وكان طول عمره يحلم بولد يقله يا بابا بس .... سبحان الله ما كان حلمه يتحقق.

وبيوم من ذات الأيام خبرته مرته أنها حامل وانو أخيراً رب العالمين استجاب لدعواتهم ورح يرزقهم بالولد يلي طول عمرهم كانوا عم ينتظروه....

فرح الأب كتييييير وحلف أنو لما رح يجي الولد ما رح يحرمه من شي, ورح يجبله بكل مناسبة هدية وشو ما طلب رح تكون أوامره منفذة. وبالفعل هاد يلي صار........................

ويوم بعد يوم الولد صار يكبر ويوعى والأب والأم خايفين عليه من الهوا
وبعد 4 سنين الولد دخل على المدرسة وكانت فرحة أهله عظيمة ونفذ الأب وعده وسأل ابنه: يا بابا شو بدك هدية لأنك دخلت على المدرسة؟؟؟
رد الولد: بدي طابة بلياردو.....وحدة
والأب فوراً نفذ الطلب

وصار عيد ميلاد الولد وسأله أبوه:شو بدك هدية يا بابا؟؟؟؟
رد الولد: بدي طابة بلياردو.....وحدة


ومرت السنة والولد نجح وسأله أبوه شو بدك هدية يا بابا؟؟؟؟
رد الولد: بدي طابة بلياردو.....وحدة
والأب فوراً نفذ الطلب

وبقي الولد على هالحالة سنة وسنتين وتلاتة وأربعة وهو ما يطلب إلا طابة بلياردو
والحقيقة الأب والأم استغربوا بس كانوا مجبرين ينفذوا هالطلبات بدون نقاش

وبعد 9 سنين دخل الولد على المدرسة الاعدادية وكان فطحل وشاطر كتييير وأهله كانوا كل سنة يجيبوله نفس الهدية.

ولما صار بالصف السابع سأله أبوه: يا بابا شو بدك هدية؟؟؟؟؟
رد الولد: بدي طابة بلياردو.....وحدة
قله أبوه: يا بابا...طب ليش عم تطلب دائماً كل طابات هالبلياردو؟؟؟؟؟؟ شو بدك فيهن؟؟؟؟
رد الولد: يا بابا انت وعدتني تجبلي شو ما بدي بدون نقاش.... بقا إذا بدك تسألني ليش خلص لا تجبلي شي من هلأ ورايح
قله أبوه: خلص يا بابا لا تزعل... متل ما بدك بيصير

واجا عيد ميلاد الولد ونجح بالمدرسة وصار بالصف التامن وهو كل ما يسأله أبوه: يا بابا شو بدك هدية؟؟؟؟
يرد الولد: بدي طابة بلياردو.....وحدة


وصار الولد بالتاسع و بدأ بأول محنة دراسية وشهادة وما بعرف شو والأب حب يفرح قلب أبنه حتى يكون مستعد للتحدي فقله: يا بابا شو بدك أنا مستعد... طلوب واتمنى وأنا بجبلك شو ما بدك.
رد الولد: بدي طابة بلياردو.....وحدة
قله أبوه: يا ابني عم قلك شو ما بدك طلوب وانت بتطلب ببساطة طابة بلياردو!!!!!!!! طب لييييييييش؟؟
رد الولد: خلص بابا مابدي شي ... إذا شقفة طابة بلياردو عم تعمل عليها تحقيق شو خليت للي أكبر منها؟؟؟؟ خلص ما عاد اطلب منك شي.
رد الأب: لأ يا بابا خلص لا تزعل متل ما بدك بجبلك

ومرت الأيام والولد نجح بالتاسع وجاب علامة كاملة والفرحة ما وسعت أهله وأقاربه وحبو يهدوه هدية غير شكل..... وفكروا شو ممكن يجيبو له؟ بس قرروا يسألوه لأنو فكروا رح يكون صار أوعى ورح يطلب هدية محرزة .............بس كان جوابه: بدي طابة بلياردو.....وحدة


ويا جماعة بلا طول سيرة: الولد دخل عالعاشر ونجح على الحادي عشر وصار بكلوريا وهو كل سنة ما يطلب إلا طابة بلياردو وحدة بكل مناسبة

وخلص امتحان البكالوريا وجمع 239 بدون ديانة ولما سأله أبوه شو بدك يا بابا؟؟
رد الولد: بدي طابة بلياردو.....وحدة

والأب يوم بعد يوم وحيرته عم تزداد ........لا هو قادر يسأل الولد شو بدو من هالطابات كلها.... ولا هو قادر يخمن شو ممكن يكون ابنه عم يستفيد منهم

ودخل الولد على كلية الطب ونجح أول سنة وتاني سنة وتالت سنة ودائماً الهدية المفضلة عنده هي طابة البليادو...وحدة

وبدأ هالطالب بستاجات السنة الرابعة والخامسة وهو الأولي عالدفعة (مو دفعتنا) ووصل لسنة التخرج
والأهل عم يشوفوا ابنهم الوحيد قدام عيونهم عم يكبر يوم بعد يوم ورح يصير دكتور قد الدنيا.

ووصل هالطالب للسنة السادسة وتخرج وطلع وعمل احسن اختصاص بأمريكا وخلص دراسة, وفرحة الأهل كانت أعظم فرحة وسألوه شو بدك هدية تخرجك واختصاصك؟؟؟؟؟؟
رد هالدكتور: بدي طابة بلياردو.....وحدة
قله أبوه: طب يا بابا ما بدك عيادة حتى تشتغل فيها أو سيارة حتى تتمختر فيها؟؟؟؟
رد الولد: لأ يا بابا أصلاً أنا عاملك مفاجأة اني اشتريت العيادة السيارة هلأ ما بدي غير طابة هالبلياردو!!!!

وبدأ الولد بالشغل بالعيادة وصارت أحواله منيحة وقرر يتزوج...... وبالفعل خطب هالدكتور يلي ألف بنت بتتمناه, وتزوج وكانت عروسته متل القمر وعرسه كان أسطورة متل حكاية ألف ليلة وليلة.
سأله أبوه: شو بدك تكون هدية عرسك؟؟؟؟؟
رد الولد: بدي طابة بلياردو.....وحدة
قله الأب: طب ما بدك بيت أو.......مزرعة أو.........الخ
رد الولد:لأ يا بابا كلشي جاهز بس بدي طابة بلياردو.....وحدة
قله الأب: على عيني...

ومرت سنة وزوجة الولد صارت حامل ورح يجيها ولد....... ولما ولدت جابت بنت حلوة متل القمر والكل فرحوا فيها
فالأب سأل ابنه: شو بدك تكون هدية المولود الأول؟؟؟؟؟
رد الولد: بدي طابة بلياردو.....وحدة

وهون الأب طقت مرارته على ما يعرف شو قصة طابة هالبلياردو بس كمان ما تجرأ يسأل ابنه حتى مايزعل.

وبيوم من ذات الأيام كان الولد هو وزوجته وابنته بالسيارة رايحين مشوار وكانو كتيييير مبسوطين وفجأة.......








طلعت بوجههم قاطرة ومقطورة وخبطت فيهم وما لحقوا يبعدوا عنها وصار حادث بخوف...
بس لحسن الحظ كانو قريبين على المشفى فنقلوهم بسرعة واتصلوا بأهل الولد حتى يحضروا على المشفى و يتطمنوا على ابنهم

ولما حضروا الأهل كان الدكتور طالع من غرفة الاسعاف فسأله الأب: شو دكتور طمني كيف حالتهم؟؟؟
رد الدكتور: والله الأم والبنت حالتهم مستقرة وإن شاء الله رح يتعافوا.....أما الولد فما بخبي عليك أنو حالته كتيييير خطرة ومو مستقرة أبداً والأعمار بيد الله.

هون الأب طار عقله وركض لعند ابنه الوحيد يلي عم ينازع بين الحياة والموت وكان كتتتتير زعلان وعم يدعي ربه أنو ما يحرمه من أبنه.

ولما دخل على غرفة الولد شاف منظر بخوف....الولد كان كلو مكسر ومجروح ومافي ولا عظمة سليمة
فقرب الأب على الولد وقله: يا حبيبي يا ابني الله يطول بعمرك وترجعلنا بالسلامة ليش ما انتبهت ودرت بالك, ما كان صار يلي صار
رد الولد: يا بابا الحمد لله على كل حال.... الحقيقة أنا حاسس أني رح موت فوصيتي الك مرتي وبنتي ....دير بالك عليهم
رد الأب: لا تقول هالكلام يا بابا , بعيد الشر عن قلبك....بس حبيبي أنت بدي اطلب منك تقلي شو قصة طابات البلياردو يلي كنت طول عمرك ما تطلب غيرهم؟؟؟؟؟؟
رد الولد: الحقيقة يا بابا........ أنا كل هالوقت كنت عم خبي عليك قصة طابات هالبلياردو لأني ما كنت متوقع يصير فيي هيك, كنت دائماً احلم وخطط واتخيل حالي محقق يلي بدي ياه , كنت دائماً اتخيل حالي عم ساعد الناس وداوي أوجاعهم , بس هلأ ضاعت كل أحلامي ودائماً مشيئة الله فوق كلشي وصار لازم يا بابا قلك شو سر طابات البلياردو يلي كنت مخبيه عنك طول هالوقت.....................................
وقرب الولد لعند أبوه وعانقه ليهمس بأذنه وقال:
الحقيقة أنا كنت عم اطلب طابات البلياردو "مشااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااان
.................................................. .................................................. .................................................. .................................................. .................................................. .................................................. .................................................. .................................................. .................................................. .................................................. .................................................. .................................................. .................................................. .................................................. .................................................. .................................................. .................................................. .................................................. .................................................. .................................................. ............................"
ولما طول الولد ما حكى تطلع الأب على ابنه وتفاجأ بالمصيبة الكبيرة....

مات الولد..............والأب صار يبكي ويعانق ابنه ويقله: ابني الوحيد الله يوفقك يا بابا لا تموت .......



بس قلي مشان شو؟؟؟؟؟؟؟؟؟؟


إنا لله وإنا إليه راجعون....

بقا عرفتوا شو قصة طابة البلياردو؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

للمزيد من مواضيعي